À propos
CHJAMA E RISPONDI
TRA NATALE 2021 E CAPU D’ANNU 2022
ASSOCIU DI U CHJAM’E RISPONDI/CNCM VOCE
Amichi pueti, cume tutti l’anni, site invitati à fistighjà a musa u marti 28. Vistu chi tandu l’Auditorium sarà in travagliu, tuttu si passerà à a CASA MUSICALE. Avemu a furtuna quist’annu d’accoglie due ghjovani circadori, un talianu e una corsa, chi prisenteranu u so travagliu di tesa nantu à u vostru arte.
- à 3 ore dopu meziornu, prisentazione di u travaggliu di tesa di Giovanni Ragni
- à 3 re e mezu prisentazione di u travagliu in corsu di Catalina Santucci
- à 4 ore, si compie a prisentazione per una discussione generale
- à 5 ore, un bellu caffè incù quatru cusgiole
- e dopu, s’ella s’affacca a musa, un bellu chjama e rispondi
- ver di 8 ore, l’appettitu cummanda di fà si una manghjata
- e dopu cena si beie e si canta dinò
« Quist’annu dopu à Natale l’auditoriu si sgrigna
Sparchjite puru e vostre ale incù la musa maligna
V’invita u cantu nustrale à avviabbi per Pigna.Per sparghjene l’alegria lu cantu u più sebbiatu
Fù spentu da la cursia ma prestu accatizzatu
Si rinceppa a puesia in stu spaziu prelebbatu.Ch’ogni puetu di stintu senti st’invitu di core
D’amicizia ne intintu s’omu canta cù fervore
È cime ch’omu hà alpintu si spannanu à ghjuvore.Lu 28 di dicembre spuntate à l’inspensata
S’hè vo ne vulite rende à la rima un’ochjata
Per ch’ella si possa stende in una stonda sacrata.Trà Natale è Capu d’annu si parrenu guasgi fole
Da ritruvà senza ingannu o quellu ragiu di sole
A tutti porghje la manu lu 28 s’hè Diu vole! »
– Petru Saveriu Luciani